Marcus Rashford 76 minutes goal don give Manchester United dia fourth straight win for di Premier League.
Erik Ten Hag bin keep Rashford for bench for disciplinary reason – but di striker make amends wit di solo effort goal for second half.
Di match end 0-1 in favour of United wey dominate di first half of di game but no do very well for second half.
Di win don carry dem go 4th place for di Premier League table wit 32 points behind Newcastle.
Wit di defeat Wolves don fail to score in nine of dia 17 Premier League games dis season.
E be like say dem go need to enta di transfer market dis season to get some addititons to fit pull dem out of di relegation zone.
~BBC